Լրատող
Հիմնական / Լրահոս Breaking News / «Արարատ-2005» թիմի 3 սան ապրիլի 10-22-ը կանցկացնի Շվեյցարիայում և Ֆրանսիայում
ararat2005 www.juniorfootball.am juniorfootball.am juniorfootball junior football

«Արարատ-2005» թիմի 3 սան ապրիլի 10-22-ը կանցկացնի Շվեյցարիայում և Ֆրանսիայում

Advertisements

Քո աջակցությունը մեր կայքին շատ կարևոր է մեզ համար

Քո աջակցությունը մեր կայքին շատ կարևոր է մեզ համար

juniorfootball.am կայքը հայկական միակ պատանեկան կայքն է: Այն գործում է ինքնաֆինանսավորման սկզբունքով: Աջակցիր կայքի գործունեությանը՝ նվիրաբերելով գումար ըստ ցանկության:

Բանկը – EvocaBank («Էվոկաբանկ»)

Հաշիվը – 1660005462170100

Հաշվի անվանումը – «Աբրահամյան Սարգիս Ռաֆիկի» ԱՁ

Գումարը – xxx դրամ

Նպատակը – Նվիրատվություն

Մուծող – Անուն, ազգանուն

Անձը հաստատող փաստաթուղթ – անձնագիր կամ ID քարտ

youtube subscribe logo juniorfootball.am junior football

This post is also available in: en ru

«Արարատ» ֆուտբոլային ակումբի պաշտոնական կայքը տեղեկացնում է, որ ակումբի պատանիներից երեքը՝ մարզիչ Մաքսիմ Առաքելյանի հետ, մասնագիտական կարողությունների զարգացման և փորձի փոխանակման նպատակով ապրիլի 10-22-ը գտնվելու են Շվեյցարիայում և Ֆրանսիայում: Կայքի հայտարարությունում ասված է.

«Ապրիլի 10-22-ը Արարատ-2005 թիմի երեք ֆուտբոլիստ` Կորյուն Կիրակոսյանը, Հայկ Ավագյանը և Էրիկ Բաբայանը, «Արարատ» ակումբի մանկապատանեկան թիմերի մարզիչ Մաքսիմ Առաքելյանի գլխավորությամբ կմեկնեն Շվեյցարիա՝ տեղի «Ստադ Նիոն» թիմի հետ համատեղ ուսումնամարզական հավաքին մասնակցելու:
Պատանի ֆուտբոլիստները մարզվելու են շվեյցարական ակումբի` իրենց հասակակիցների հետ, իսկ մարզիչ Մաքսիմ Առաքելյանը կմասնակցի վերապատրաստման և փորձի փոխանակման «Ստադ Նիոն» ակումբի մարզիչների հետ:
Ապրիլի 17-ին արարատցիները կմեկնեն Լիոն (Ֆրանսիա), որտեղ 3 օր կանցկացնեն «Լիոն» ակումբի ակադեմիայում: Այդ ժամանակահատվածում «Լիոնի» սաները մասնակցելու են պատանեկան Չեմպիոնների Լիգայի խաղարկությանը, իսկ «Արարատի» ֆուտբոլիստները մարզվելու են իրենց հետ»

juniorfootball.am-ը զրուցել է «Արարատ» ֆուտբոլային ակումբի մանկապատանեկան թիմերի մազիչ Մաքսիմ Առաքելյանի հետ

Ինչո՞ւ ընտրվեց հենց շվեյցարական «Ստադ Նիոն» թիմը:

2017թ.-ի ամռանը կապ հաստատեցինք Շվեյցարիայի և Ֆրանսիայի մեր գործընկերներ Րաֆֆի Գրիգորյանի (Union Générale Arménienne Lyon ակադեմիայի տնօրեն) և Հրաչ Յագանի (Stade De Nyon ակումբի տնօրեն) հետ: Րաֆֆի Գրիգորյանը Հայաստան կատարած այցի ընթացքում ներկա գտնվեց մեր թիմի մարզումներին և պաշտոնական որոշ հանդիպումների: Նրա գնահատականով՝ մեր թիմի պատանի ֆուտբոլիստները տեխնիկապես չեն զիջում եվրոպացի իրենց հասակակիցներին: Նմանատիպ քննարկումներն արդյունքում հանգեցին համագործակցության, և 2018թ. մարտին ստացանք նրանց կողմից պաշտոնական հրավերք:

Ինչպե՞ս, ի՞նչ չափանիշներով է ընտրվել մեկնող կազմը՝ պատանի 3 ֆուտբոլիստները:

Ակումբի մարզչական կազմի և տնօրինության քննարկումների արդյունքում որոշում կայացվեց մեկնող կազմ ընտրելիս կենտրոնանալ այն պատանիների վրա, որոնք վերջին 1 տարում աչքի են ընկել իրենց գերազանց մարզավիճակով և ձեռքբերած ֆուտբոլային հաջողություններով: Վերջնական ընտրությունը կանգ առավ «Արարատ-2005» թիմի երեք ֆուտբոլիստների` Կորյուն Կիրակոսյանի, Հայկ Ավագյանի և Էրիկ Բաբայանի վրա:

Ի՞նչ են տալու այս հանդիպումները, և ինչպիսի՞ ազդեցություն են ունենալու դրանք հետագա աշխատանքների որակի վրա:

Առաջին հերթին՝ փորձի փոխանակում: Կծանոթանանք այնտեղ գործող մարզչական ծրագրերին և կփորձենք դրանք կիրառել նաև մեր ակումբում: Օրինակ՝ Լիոնի ակադեմիան այս առումով աշխարհում ամենահայտնիներից է և մենք նրանցից սովորելու շատ բան ունենք: Հետագայում մեր լավագույն ֆուտբոլիստները հնարավորություն կունենան իրենց կարիերան շարունակելու հենց Շվեյցարիայում և Լիոնում:

Բավարար համարո՞ւմ եք, արդյոք, պատանի ֆուտբոլիստներից միայն 3 հոգու ներգրավվածությունն արտերկրում անցկացվող մարզումներին՝ թիմի որակի հետագա ապահովման տեսանկյունից:

Հուսով եմ, որ այս ծրագիրը շարունակական կլինի: Stade De Nyon և Union Générale Arménienne Lyon ակումբների ղեկավարությունը 2018թ. աշնանը և 2019թ. հունիսին կազմակերպելու են Միջազգային պատանեկան ֆուտբոլային մրցաշարեր: Նախատեսված է «Արարատ» ակումբի մանկապատանեկան թիմերից ևս մասնակցություն նշված մրցաշարերին:

Մեր պատանիների լեզվական խնդիրները հաղթահարվա՞ծ են, արդյոք, Շվեյցարիայում և Ֆրանսիայում իրենց տարեկիցների հետ ազատ շփման համար:

Կորյուն Կիրակոսյանը հիանալի տիրապետում է անգլերենին, ինչը ազատ շփումներ ապահովելու հիմք է: Իսկ Հայկ Ավագյանը և Էրիկ Բաբայանն ունեն անգլերենի դպրոցական ծրագրի մակարդակ: Կարծում եմ, լեզվական խնդիրներ չենք ունենա շփումներում:

Հետագա ի՞նչ ծրագրեր ունի թիմը և ակումբը:

2018թ. ամռանը նախատեսում ենք մասնակցել Միջազգային ֆուտբոլային մրցաշարերի: Այս առումով հրավերներ ունենք Բուլղարիայից, Ուկրաինայից, Վրաստանից: Երկու տարիքային խումբ հունիսին հավաք կանցկացնի Բաթումի (Վրաստան) քաղաքում, իսկ մյուս թիմերի հետ կապված որոշումների մասին կտեղեկացնենք ավելի ուշ:

juniorfootball.am-ը մաղթում է հաջողություններ այս թիմին և սպասում նրանց հետագա հաղթանակներին:

banner juniorfootball.am junior football

Հեղինակի մասին "Junior Football"

Leave a Reply

Your email address will not be published. Required fields are marked *

two × 3 =