Լրատող
Հիմնական / Ֆուտբոլային նորություններ / Աշխարհ / Տրվեց Եվրո Մ-19 առաջնության հետհաշվարկի մեկնարկը

Տրվեց Եվրո Մ-19 առաջնության հետհաշվարկի մեկնարկը

youtube subscribe logo juniorfootball.am junior football

05.04.2019թ.-ին Հյուսիսային պողոտա 8 հասցեում (Եվրոպայի հրապարակ), տրվեց Եվրոպայի Մ-19 առաջնության հետհաշվարկի ժամացույցի մեկնարկը: Պողոտայի ողջ խորությամբ տեսանելի հսկա ժամացույցին կմարեն վերջին 100 օրվա րոպեները: Եվրոպայի 7 լավագույններին կմիանա կազմակերպիչ Հայաստանի ընտրանին: Եվրոպայի՝ տարիքային այս խմբի առաջնության եզրափակիչ փուլին Հայաստանը մասնակցում է երկրորդ անգամ: Առաջին անգամ Հայաստանի ընտրանին մասնակցել է 2005թ.-ին:

Հետհաշվարկի մեկնարկը պաշտոնապես տրվեց Հայաստանի ֆուտբոլի ֆեդերացիայի նախագահ Արթուր Վանեցյանի և Երևանի քաղաքապետ Հայկ Մարությանի կողմից:

Հայաստանի ֆուտբոլի ֆեդերացիայի նախագահն իր խոսքում նշեց.

«Հարգելի հայրենակիցներ, հարգելի ֆուտբոլասերներ,
Երևանի քաղաքապետի հետ տվեցինք սպորտային մեծ իրադարձության մեկնարկը. Եվրոպայի մինչև 19 տարեկանների առաջնության եզրափակիչ փուլը կայանալու է Երևանում: Սա սպորտային աննախադեպ իրադարձություն է: Հուլիսին Երևանը լինելու է Եվրոպայի ֆուտբոլային մայրաքաղաքը: Այս իրադարձությունն է՛լ ավելի մեծ ճանաչում է բերելու մեր քաղաքին: Շնորհակալությունս եմ հայտնում Երևանի քաղաքապետ պարոն Մարությանին և քաղաքապետարանի ողջ անձնակազմին՝ Հայաստանի ֆուտբոլի ֆեդերացիային այս գործում աջակցելու համար: Կարծում եմ՝ պետական մարմինները ևս կաջակցեն, և կկարողանանք կազմակերպել ֆուտբոլային մեծ տոն:
Շնորհակալություն բոլորիդ այսօրվա միջոցառմանը մասնակցելու համար, ուրախ ենք այսօրվա համար:»

Այնուհետև առաջնության մասին իր կարծիքը հայտնեց Երևանի քաղաքապետ Հայկ Մարությանը.

«Շնորհակալություն մեր քաղաքում ֆուտբոլային այսպիսի միջոցառում կազմակերպելու համար: Մեր երկրի պատմության, երևի թե, խոշորագույն սպորտային իրադարձությունն է: Իրոք, հուլիսի ընթացքում Երևանն ու Հայաստանը կդառնան Եվրոպայի կենտրոնը: Քաղաքապետարանի ողջ անձնակազմը պատրաստ է ընդունելու զբոսաշրջիկներին և մասնակիցներին: Վստահեցնում եմ՝ ամեն ինչ անցկացվելու է ամենաբարձր մակարդակով:»

Պաշտոնյաներն ու ներկաները հաջողություն մաղթեցին Հայաստանի մինչև 19 տարեկանների հավաքականին՝ նշելով, որ պատանի ֆուտբոլիստներն ունեն հանրությանն ուրախացնելու աննախադեպ հնարավորություն:
Առաջնությանն ընդառաջ նոր միջոցառումներ են սպասվում:

Վիճակահանությունը կկայանա մայիսի 31-ին՝ Երևանում, «Մարիոտ Արմենիա» հյուրանոցում:

banner juniorfootball.am junior football

Հեղինակի մասին "Junior Football"

Leave a Reply

Your email address will not be published. Required fields are marked *

18 − 9 =