Լրատող
Հիմնական / Լրահոս Breaking News / Միջոցառում՝ Եվրո Մ-19 2019 Եզրափակչին ընդառաջ
euvo-2019 u-19 juniorfootball.am junior football

Միջոցառում՝ Եվրո Մ-19 2019 Եզրափակչին ընդառաջ

youtube subscribe logo juniorfootball.am junior football

Հուլիսի 14-27-ը Հայաստանն առաջին անգամ կընդունի Եվրոպայի մինչև 19 տարեկանների առաջնության եզրափակիչ փուլը: Հանդիպումները կկայանան Երևանի Վ.Սարգսյանի անվ. «Հանրապետական», «Բանանց» և Ֆուտբոլի ակադեմիայի մարզադաշտերում:

Հայաստանի ֆուտբոլի ֆեդերացիան և Եվրո-2019-ի կազմկոմիտեն արդեն սկսել են միջոցառումների շարքը՝ Եվրո-2019 Եզրափակչին ընդառաջ: Մրցաշարի առաջին հանդիպումից ուղիղ 100 օր առաջ Երևանի Հյուսիսային պողոտայում տրվեց հետհաշվարկի ժամացույցի մեկնարկը:

Հերթական միջոցառումը կկայանա մրցաշարի մեկնարկից 90 օր առաջ:

Եվրոպայի մինչև 19 տարեկանների առաջնության՝ Հայաստանում անցկացնելու հիմնական նպատակներից մեկը մասսայական ֆուտբոլի զարգացումն է: Ուստիև, Վաղարշապատի ֆուտբոլի ակադեմիայում ապրիլի 15-ի ժ. 13:00-ին կտրվի մասսայական ֆուտբոլի միջոցառումների լայնածավալ շարքից առաջինի մեկնարկը: Արմավիրի մարզի դպրոցների 8 թիմ կպարզի հաղթողի կոչումը շրջանաձև մրցակարգով անցկացվող մրցաշարում: Մեկ ամսվա ընթացքում նմանատիպ միջոցառումներ կանցկացվեն Հայաստանի բոլոր մարզերում: Մրցաշարի մեկնարկից 60 օր առաջ՝ մայիսի 15-ին, բոլոր մարզերի հաղթող թիմերն իրենց ուժերը կչափեն ¼ փուլում: Հունիսի 15-ին Երևանում կկայանան կիսաեզրափակիչ և եզրափակիչ հանդիպումները:

Ապրիլի 15-ին կայանալիք միջոցառմանը ներկա կլինեն նաև Հայաստանի Մ-19 հավաքականի գլխավոր մարզիչ Արթուր Ոսկանյանը և ֆուտբոլիստները: Մրցաշարի չեմպիոնական Գավաթի շրջագայության շրջանակներում այդ օրը Վաղարշապատում կցուցադրվի Եվրո Մ-19 2019 չեմպիոնական գավաթը, որն արդեն մի քանի օր է, ինչ գտնվում է Երևանում:

Մեդիայի ներկայացուցիչները հրավիրվում են միջոցառումը լուսաբանելու (հասցեն. Արմավիրի մարզ, Վաղարշապատ-Մարգարա խճուղի 12):

banner juniorfootball.am junior football

Հեղինակի մասին "Junior Football"

Leave a Reply

Your email address will not be published. Required fields are marked *

four × three =