Լրատող
Հիմնական / Լրահոս Breaking News / ՖՈՒՏԲՈԼ. Մրցավարը
www.juniorfootball.am juniorfootball.am juniorfootball junior football mrcavar

ՖՈՒՏԲՈԼ. Մրցավարը

This post is also available in: en ru

Մրցավարի որոշումները – կարծիք է, հայեցողություն: Մրցավարը, օգտագործելով իր լավագույն որակները, կկայացնի որոշումներ համաձայն «Խաղի կանոնների» և «խաղի ոգու»: Այդ որոշումները հիմնված կլինեն մրցավարի կարծիքի վրա, որն իրավասու է «Խաղի կանոնների» սահմաններում գործել իր հայեցողությամբ:

Դեպքեր, երբ որոշումները չեն կարող փոխվել

Մրցավարը, գիտակցելով իր սխալը, ինքնուրույն կամ այլ պաշտոնյայի խորհրդից հետո չի կարող փոխել իր որոշումը, եթե խաղն արդեն վերսկսվել է, կամ ինքն ազդարարել է առաջին կամ երկրորդ խաղակեսի ավարտը (ներառյալ լրացուցիչ ժամանակը, եթե այն խաղացվում է) և թողել է խաղադաշտը, կամ ավարտել է խաղը:

www.juniorfootball.am juniorfootball.am juniorfootball junior football mrcavar karmir qartՄիաժամանակ կատարված մի քանի խախտումներ


Եթե միաժամանակ կատարվում է մեկից ավելի խախտում, ապա մրցավարը պետք է պատժի առավել լուրջ խախտումը` հաշվի առնելով կիրառվելիք պատժամիջոցը, խաղի վերսկսումը, ֆիզիկական ուժի կիրառման չափը և տակտիկական նկատառումները:

Կարգապահական պատժամիջոց կիառելու իրավունքը` սկսած խաղադաշտի մինչխաղային ստուգումից

Մրցավարը իրավասու է կարգապահական պատժամիջոցներ կիառել մինչխաղային ստուգման համար խաղադաշտ մտնելու պահից սկսած, մինչ եզրափակիչ սուլիչից հետո այն թողնելը (ներառյալ՝ 11 մետրանոց հարվածաշարը): Եթե խաղացողը, մինչ խաղի սկիզբը, խաղադաշտ մտնելը կատարում է հեռացման արժանի խախտում, ապա մրցավարն իրավասու է թույլ չտալ նրան մասնակցելու խաղին: Մրցավարը պետք է զեկուցագիր ներկայացնի ցանկացած ոչ պատշաճ վարքագծի դրսևորման դեպքում:

Կարմիր/դեղին քարտ ցույց տալու լիազորություն

Մրացավարն իրավունք ունի կարմիր/դեղին քարտ ցույց տալու այն պահից, երբ խաղասկզբին մտնում է խաղադաշտ մինչև խաղի ավարտից հետո խաղադաշտից դուրս գալը, ներառյալ խաղամիջյան ընդմիջումը, լրացուցիչ ժամանակը և 11-մետրանոց հարվածաշարը: Դեղին/կարմիր քարտով պատժվող խախտումներից հետո, խաղացողը կարող է խաղադաշտում ստանալ արագ բուժօգնություն, եթե.

www.juniorfootball.am juniorfootball.am juniorfootball junior football mrcavar karmir deghin qart

  • վնասվածք է ստացել դարպասապահը
  • բախվել են դարպասապահն ու խաղադաշտի խաղացողը և անհապաղ օգնության կարիք ունեն
  • բախվել են նույն թիմի խաղացողներ և անհապաղ օգնության կարիք ունեն
  • լուրջ վնասվածք է եղել
  • եթե խաղացողը վնասվածք է ստացել ֆիզիկական հպումով խախտման հետևանքով, որի համար մրցակիցն զգուշացվել կամ հեռացվել է (օրինակ` անգիտակցորեն կամ կանոնների լուրջ խախտումով պայքար) և եթե բուժօգնությունը կկատարվի արագ:

Ազդեցությունը, երբ կողմնակի անձը հպվում է դեպի դարպասն ընթացող գնդակին

Եթե խաղի ժամանակ լրացուցիչ գնդակ, այլ իր կամ կենդանի է մտնում խաղադաշտ, ապա մրցավարը պետք է.

  • կանգնեցնի խաղը (և վերսկսի վիճաբանական գնդակի նետումով) միայն այն դեպքում, երբ միջամտությունը խանգարում է խաղին, բացառությամբ, եթե միջամտությունը չի խանգարում պաշտպանվող խաղացողին խաղալու գնդակ, որն ընթանում է դեպի դարպասը և գոլ է մտնում: Այս դեպքում գոլն արձանագրվում է (նույնիսկ եթե գնդակի հետ հպում է եղել)՝ բացառությամբ, երբ գնդակը մտնում է պաշտպանի մրցակցի դարպասը:

Մրցավարի հանդերձանքը

Ինչպես բոլոր ֆուտբոլիստները, մրցավարը նույնպես ունի համապատասխան հանդերձանք, որը չի տարբերվում խաղացողների հանդերձանքից, միայն ավելանում են.

www.juniorfootball.am juniorfootball.am juniorfootball junior football mrcavar sulich karmir deghin qart

  • սուլիչներ
  • ժամացույց
  • կարմիր և դեղին քարտեր
  • նոթատետր (կամ այլ բան՝ խաղի հետ կապված նշումներ կատարելու համար)

Սրանք պարտադիր են:

Այլ հանդերձանք

Մրցավարին կարող է թույլատրվել` օգտագործել

  • խաղի այլ պաշտոնյաների հետ հաղորդակցվելու պարագաներ, բիպ-ազդանշանով դրոշակներ, ականջակալներ և այլն
  • ֆիզպատրաստականությունը վերհսկող EPTS կամ այլ պարագաներ
  • մրցավարներին և խաղի այլ պաշտոնյաներին արգելվում է կրել զարդեղեն և այլ էլեկտրոնային պարագաներ:

Մրցավարի որոշումները, որոնք վերաբերում են խաղին առնչվող փաստերին, ներառյալ` գոլ խփվել է, թե՞ ոչ, և հանդիպման արդյունքին, վերջնական են:

Հեղինակի մասին Նորայր Մարտիրոսյան

Leave a Reply