Breaking News
Հիմնական / Ֆուտբոլային նորություններ / Աշխարհ / Ֆուտբոլային խենթություններ
www.juniorfootball.am juniorfootball.am juniorfootball junior football footballayin khentutyunner

Ֆուտբոլային խենթություններ

youtube subscribe logo juniorfootball.am junior football

This post is also available in: en ru

1. Պարաշյուտիստի վայրէջքը

Բրազիլիայում կայացած ֆուտբոլային հանդիպումներից մեկի ժամանակ քամին պարաշյուտիստների մի խումբ է քշել խաղադաշտի ուղղությամբ: Նրանցից մեկն ընկել է դարպասապահի վրա այն ժամանակ, երբ վերջինս պատրաստվել է վերցնել գնդակը: Միջադեպի արդյունքում գնդակը հայտնվել է այդ դարպասապահի դարպասում, և, չնայած խաղացողների դժգոհություններին, մրցավարը գրանցել է գոլը՝ պատճառաբանելով. «Սա Բարձրյալի միջնորդությունն է»:

2. Անհասկանալի բան

Ֆուտբոլը պաշտոնապես արգելված է աշխարհի 6 երկրներում: ԱՄՆ-ում թույլատրում են պայմանով, որ խաղադաշտերը պետք է հեռու լինեն եկեղեցիներից ոչ պակաս, քան 1,5 կմ: Բեյզբոլի, գոլֆի և ամերիկյան ֆուտբոլի համար այդ հեռավորությունը 0,5 կմ է:

3. Ոչ միշտ է բուռն երկրպագությունը շահավետ լինում

Բոլորին է հայտնի, թե ինչպիսի ֆանատներ են անգլիացիները և ինչերի են պատրաստ իրենց սիրելի թիմերի համար: Սակայն, պարզվում է, որ ամեն տարի երկրպագուների պատճառած վնասի չափը պետական և սեփական ունեցվածքին հասնում է 1 միլիոն ֆունտ ստեռլինգի:

4. Կոշտ, բայց ոչ կոպիտ

1969թ. հոկտեմբերի 3-ին Մեծ Բրիտանիայում կայացել է ֆուտբոլի պատմության ամենաանկարգապահ հանդիպումը: «Տոնգհեմսի» երիտասարդական թիմի և «Խաու Լիի» ակումբներն այնքան կոպիտ էին պայքարում տեղի գավաթի համար, որ մրցավարն ստիպված պատժել է 22 խաղացողներին, այդ թվում՝ նաև իր օգնականին:

5. Ա՜խ, կանայք, կանայք

Մի անգամ Բուենոս Այրեսի մարզադաշտերից մեկում անցկացվել է խաղ-էքսպերիմենտ, որի նպատակն է եղել չամուսնացած ֆուտբոլիստների առավելությունն ամուսնացածների նկատմամբ ընդգծելը: Ամեն ինչ հանգիստ էր մինչև ամուսնացածների դարպասին 11-մետրանոց հարված նշանակելը: Երբ 11-մետրանոցն իրացվել է, կանայք նետվել են խաղադաշտ (մի պահ պատկերացրեք այդ տեսարանը): Նրանք ծեծել են մրցավարին և հաղթանակը պարգևել իրենց ամուսիններին: Հետագա բարդություններից խուսափելու համար չամուսնացածները չեն բողոքարկել: Արդյունքում էքսպերիմենտը չի ստացվել:

6. Ֆուտբոլում ամեն ինչ հնարավոր է

Իտալիայի Աստի քաղաքում կայացած ընկերական խաղի ժամանակ տեղի թիմի կենտրոնական հարձակվող Մասկիոն փորձել է հարվածել գնդակին: Սակայն, գնդակի փոխարեն «փորել է» հողը և շատ լուրջ վնասել ոտքը: Առաջացած փոսի ուսումնասիրման արդյունքում հայտնաբերել են հնագիտական արժեքավոր կմախք: Ֆուտբոլիստն ստացել է դրամական պարգև:

7. Ռեկորդը մնում է ռեկորդ

Բրազիլացի պաշտպան Պիերոն համարվում է ինքնագոլերի ռեկորդակիր: Մեկ մրցաշրջանում նա սեփական դարպասը գրավել է 10 անգամ, ինչից հետո նրան տեղափոխեցին հարձակման գիծ: Հենց առաջին խաղում, չնայած նա արդեն հարձակվող էր, կրկին գրավեց սեփական դարպասը: Ֆուտբոլիստի 25-ամյակի կապակցությամբ խաղընկերները նրան նվիրեցին կողմնացույց, որի վրա գրված էր. «Թշնամին տնից է լինում»:

8. Փոխշահավետ գործարք

Իտալացի դարպասապահ Գրոսսոն խաղի ժամանակ մրցավարին խորհուրդ է տվել ակնոց կրել, ինչի համար հեռացվել է խաղադաշտից: Այս միջադեպի պարզաբանման արդյունքում պարզվեց, որ Գրոսսոն օպտիկական ակնոցի խանութ ունի, իսկ մրցավարը՝ տեսողական խնդիր: Դարպասապահի այս խոսքերն՝ ուղղված մրցավարին, կարգապահական կոմիտեն գնահատեց ոչ թե վիրավորանք, այլ տրամաբանական և օգտակար խորհուրդ: Ի վերջո, դարպասապահին ներեցին, իսկ մրցավարը գնեց ակնոց հենց Գրոսսոյի խանութից:

9. Առանց մեկնաբանության

1950-ականների վերջին Իտալիայի Սիենա քաղաքում ֆուտբոլային մրցավարները որոշեցին իրենք խաղալ: Ամեն ինչ խաղաղ էր մինչև այն պահը, երբ թիմերից մեկի դարպասը խփվեց շատ կասկածելի գնդակ: Բոլոր 22 մրցավարներն սկսեցին վիճել, թե՝ ով է ճիշտ: Վեճն այնքան թեժացավ, որ ստիպված խառնվեցին ոստիկանները:

10. Ամեն ինչ չափի մեջ է գեղեցիկ

1978թ.-ին Հունաստանում առաջին տեղի համար «Էթնիկոսն» ընդունել էր «Պաոկին»: Հյուրերը, խաղի հաշիվը բացելով, վազում են իրենց պահեստայինների մոտ և բուռն կերպով տոնում իրենց հաջողությունը` ուշադրություն չդարձնելով մրցավարին, որն առաջարկում էր շարունակել խաղը: Առանց երկար մտածելու «Էթնիկոսի» ֆուտբոլիստները խաղը վերսկսում են կենտրոնից և, չհանդիպելով դիմադրության, հավասարեցնում խաղի հաշիվը:

11. Ինչ արած, այսպես էլ է պատահում

1976թ. մարտի 20-ին անգլիական «Աստոն Վիլաայի» խաղացող Քրիս Նիկոլլը «Լեսթեր Սիթիի» դեմ խաղում խփել է 4 գնդակ. 2-ը՝ մրցակցի, 2-ը՝ սեփական դարպասը: Խաղն ավարտվել է 2-2 հաշվով:

banner juniorfootball.am junior football

Հեղինակի մասին Նորայր Մարտիրոսյան

Leave a Reply

Your email address will not be published. Required fields are marked *

nineteen − 16 =