Լրատող

Հայաստանի Մ-16 հավաքականը՝ տունդարձի ճանապարհին

Ս/թ ապրիլի 30-ին Բոսնիայի և Հերցեգովինայի մայրաքաղաք Սարաևոյում կայացած ՈՒԵՖԱ-ի Զարգացման մրցաշարի վերջին տուրի Հայաստան Մ-16-Ջիբրալթար Մ-16 հանդիպումն ավարտվել է մեր ֆուտբոլիստների հաղթանակով՝ 2:0 հաշվով

Հայաստանի Մ-16 հավաքականը վաստակել է 7 միավոր և, անկախ Բոսնիա և Հերցեգովինա-Չեռնոգորիա հանդիպման արդյունքից, հռչակվել մրցաշարի հաղթող:
Գոլերի հեղինակ է դարձել Սամվել Հակոբյանը (21′, 65′):

Հայաստանի Մ-16 հավաքականը ներկայացել է հետևյալ կազմով.

12. Ռաֆայել Մանասյան, 2. Էդգար Թամազյան, 3. Վահրամ Մախսուդյան, 4. Ստյոպա Մկրտչյան, 5. Էրիկ Սիմոնյան, 6. Գոռ Առաքելյան, 9. Արթուր Սերոբյան, 10. Յուրի Քոլոզյան (ա), 13. Սամվել Հակոբյան, 18. Սարգիս Սահակյան, 21. Սպարտակ Հայրապետյան

Պահեստայիններ՝ 1. Անդրանիկ Մարտիրոսյան, 7. Լևոն Վարդանյան, 8. Վլադիմիր Մուրադյան, 9. Արթուր Սերոբյան, 11. Դավիթ Ոսկանյան, 16. Սերյոժա Բաբայան, 17. Տիգրան Յաղմուրյան, 19. Միքայել Ասլանյան, 20. Էրիկ Սմբաթյան, 22. Հայկ Ռեչելյան

Գլխավոր մարզիչ՝ Սարգիս Մովսիսյան

01.05.2019թ.-ին ՀՀ ֆուտբոլի 2018-2019թթ. մինչև 15տ. Գավաթի խաղարկության կիսաեզրափակչի «Լոռի-04» – «Ակադեմիա-04» հանդիպմանը մասնակցելու նպատակով «Ակադեմիա-04» թիմը մեկնում էր Վանաձոր: Դիլիջանի ոլորաններում «Ակադեմիա-04»-ն ուրախությամբ դիմավորեց ՈՒԵՖԱ-ի 2019թ. Զարգացման մրցաշարի հաղթողներին:
Միմյանց շնորհավորական մաղթանքներ հղելուց հետո թիմերը շարունակեցին ճանապարհը՝ Հավաքական Մ-16-ը՝ Երևան, «Ակադեմիա-04»ը՝ Վանաձոր՝ բերելու իր հերթական հաղթանակը:

«Ակադեմիա-04»-ը մրցակցի հարկի տակ տարավ հերթական հաղթանակը (0-3 հաշվով), և ապահովեց իր մասնակցությունը եզրափակչում:
Թիմին մաղթում ենք վերջնական հաղթանակ:

Հեղինակի մասին "Junior Football"

Leave a Reply