Հիշատակի օր՝ նվիրված Սերժ Սարգսյանին

2017թ. մայիսի 17-ին «Փյունիկ» ֆուտբոլային ակումբում հիշատակի օր էր. լրանում էր ակումբի լավագույն մարզիչներից Սերժ Սարգսյանի մահվան 1-ին տարելիցը:

Հենրիկ Նալբանդյանի բացման խոսքից և հարգանքի լռության րոպեից հետո Սերժ Սարգսյանի սաներն սկսեցին հուշ-հանդիպում, որն ավարտվեց 0:0 հաշվով:
«Փյունիկ» ֆուտբոլային ակումբի մարզիչ Հովհաննես Ղազանչյանը Սերժ Սարգսյանի որդուն՝ Գոռ Սարգսյանին հանձնեց Գավաթ և Պատվոգիր: Սերժ Սարգսյանի հուշանկարը, որի հեղինակը «Փյունիկ» ֆուտբոլային ակումբի մարզիչ Էդվարդ Բաղդասարյանն է, հանձնվեց երջանկահիշատակ մարզչի մորը՝ հենց հեղինակի կողմից: