juniorfootball.am կայքն զգուշացնում է

juniorfootball.am-ը Հայաստանի տարածքում գործող հայկական ֆուտբոլի պատմության մեջ 1-ին և միակ կայքն է՝ նվիրված հայկական ֆուտբոլի մանկապատանեկան հատվածին: Կայքն ստեղծվել է 2016թ.-ին՝ մեկ հիմնական նպատակով ՝ մեդիա-դաշտում ներկայացնել հայկական մանկապատանեկան ֆուտբոլի անցուդարձը, խնդիրները, ընդհանուր պատկերը:

Սկսած 2013թ.-ից մեր թիմի անդամները նկարահանում են մանկապատանեկան ֆուտբոլային հանդիպումներ, որոնք յուրօրինակ ինտերակտիվ դասագիրք են հանդիսանում պատանի ֆուտբոլիստների, նրանց մարզիչների և պատանեկան ֆուտբոլի մրցավարական կազմի համար:

Գիտակցելով այս նյութերի կարևորությունը՝ մենք ձգտում ենք անընդհատ զարգացման եղանակով կատարելագործել գործիքներն ու միջոցները՝ դրանով մրցակցություն ստեղծելով ասպարեզում: Տարիների ընթացքում տարված աշխատանքների արդյունքում juniorfootball.am-ի թիմը ձեռք է բերել բարձր վարկանիշ և ունի իր ձեռագիրը՝ հնարավորինս բարձրորակ մեդիա-նյութեր ստեղծելու և հանրությանը ներկայացնելու համար:

Վերջին շրջանում հաճախ են մեզ դիմում հարցերով՝ կապված այնպիսի նկարահանումների հետ, որոնք մեր թիմը չի իրականացրել: Պարզվում է, որ ասպարեզում կան գործող թիմեր, որոնք ակումբներին ներկայանում են որպես juniorfootball.am-ի թիմի ներկայացուցիչներ, և մեր անվան տակ ծավալում գործունեություն:

Պաշտոնապես հայտարարում ենք, որ.
մենք գործում ենք իրավական դաշտում,
մեր անունն արատավորելու,
կամ մեր անունը շահարկելով դիմացինից նենգաբար վստահություն կորզելու,
կամ մեր անվան տակ որոշակի շահույթ ապահովելու
ցանկացած փորձ վիճարկվելու է բացառապես օրենքով սահմանված պատասխանատվությամբ:

Առաջարկում, խնդրում և հորդորում ենք պատանեկան թիմերին, ակումբներին, պատանի ֆուտբոլիստներին և ծնողական համայնքին. նման դեպքերի հանդիպելիս.
տեսաձայնագրել կամ լուսանկարել այդ անձանց և ուղարկել
կամ մեր ֆեյսբուքյան էջին,
կամ juniorfootballam@gmail.com էլ. հասցեին,
կամ տեղեկացնել 099.725370 հեռախոսահամարով:
Տեղեկատվության աղբյուրի գաղտնիությունը երաշխավորում ենք:
Մեր թիմակիցները երբեք չեն ընդդիմանա իրենց անձը ֆիքսելու հարցում: Եթե կասկածելի այդ անձինք կընդդիմանան՝ վստահ եղեք, որ նրանք մեր թիմի անդամ չեն հանդիսանում: Օգնեք մեզ բացահայտելու չարագործներին:

Մենք ուրախ ենք, որ ասպարեզում մրցակցությունն ակտիվացել է: Սակայն, անընդունելի է, երբ դա արվում է մեր անվան տակ: Մենք թույլ չենք տա, որ այդպիսի գործելաոճը մնա անպատիժ:

Հարգանքով՝ juniorfootball.am կայքի տնօրինություն