Պույոլ.«Բարսայից հետո գալիս է Միլանը»
Կատալոնական «Բարսելոնի» լեգենդար պաշտպան Կարլես Պույոլը հայտնել է, որ իտալական «Միլանը» միշտ իր սրտում առանձնահատուկ տեղ է ունեցել և այն երկրորդն է իր սիրած ակումբներից՝ «Բարսայից» հետո: Հաղորդում է goal.com-ը:
«Առաջինը «Բարսան» է, կարծես թե ուրիշ տարբերակ չունեմ»,- կատակել է Պույոլը:
«Ես միշտ բացահայտ նշել եմ, որ իմ սիրած երկրորդ թիմը «Միլանն» է: Այն մեծագույն ակումբ է, և հուսով եմ, որ նրանք կկարողանան վերադարձնել իրենց կորցրած փառքը»,- ասել է կատալոնացի ֆուտբոլիստը:
Նշենք, որ Պույոլը «Բարսելոնի» կազմում անցկացրել է 600 հանդիպում: