«Կոտայք» ֆուտբոլային ակումբը կհամագործակցի «Լեգալ Սպորտ» գործակալության հետ
«Կոտայք» ֆուտբոլային ակումբը և «Լեգալ Սպորտ» գործակալությունը տարածել են հայտարարություն՝ բացառիկ համագործակցության մասին
Համաշխարհային ֆուտբոլում ավելի քան 7 տարվա մասնագիտական փորձ ունեցող «Լեգալ Սպորտ» գործակալությունը, «Կոտայք» ֆուտբոլային ակումբի հետ էքսքլյուզիվ համագործակցության շրջանակներում, կիրականացնի «Կոտայք» ֆուտբոլային ակումբի
- մենեջմենթի,
- տրանսֆերային քաղաքականության,
- սելեկցիայի,
- սքաութինգի հետ կապված բոլոր գործառույթները:
«Լեգալ Սպորտ» գործակալությունը նաև պատասխանատու է լինելու «Կոտայք» ֆուտբոլային ակումբի
- զարգացման մոդելի մշակման,
- սպորտային իրավաբանական խորհրդատվության իրականացման,
- ակումբի մարքեթինգային և PR քաղաքականության իրականացման խորհրդատվության,
- «Կոտայք» ֆուտբոլային ակումբի հիմնական և դուստր թիմի մարզչական շտաբերի ձևավորման,
- Աբովյանի ֆուտբոլի ակադեմիայի ղեկավար կազմի ընտրության և մարզչական կազմի ձևավորման ու վերապատրաստման,
- ամբողջ հանրապետության տարածքում ակադեմիայի համար պատանի ֆուտբոլիստների սելեկցիայի և միջազգային մրցաշարերում նրանց ներգրավվածության,
- «Կոտայք» և «Կոտայք-2» թիմերի, ինչպես նաև՝ Աբովյանի ֆուտբոլային ակադեմիայի սպորտային գործընթացների ամբողջական վերահսկման
համար: