ՖԱ «Վանը» 1 տարեկան է
Հայկական ֆուտբոլի Առաջին խմբում հանդես եկող և Չարենցավանը ներկայացնող «Վան» ֆուտբոլային ակումբը նշում է հիմնադրման 1-ին տարեդարձը:
2019թ. մայիսի 30-ին ակումբը դրեց իր ֆուտբոլային պատմության կերտման 1-ին հիմնաքարը: Թիմի գլխավոր մարզիչ և ակումբի փոխնախագահ Կարեն Բարսեղյանի գլխավորությամբ թիմը գրավեց բարձր դիրքեր և ջանք չի խնայում մնալու այդ բարձունքին: Ակումբի պատասխանատուների ջանքերով ստեղծված է դրական լիցքերով լեփ-լեցուն մի միջավայր, ինչը նաև արտացոլում է ջերմեռանդ երկրպագուների հոծ բանակը: «Վանից» շատ ժամանակ չպահանջվեց ֆուտբոլասերների համակրանքին արժանանալու համար: Սա փաստում է պրոֆեսիոնալիզմի առկայությունը:
Junior Football TV-ն պաշտոնապես համագործակցում է «Վան» ֆուտբոլային ակումբի հետ՝ ապահովելով թիմի ֆուտբոլային հանդիպումների տեսանկարահանման և ուղիղ հեռարձակման աշխատանքները: Մեր անձնակազմի համար հաճելի է տոնել ակումբի յուրաքանչյուր հաղթական ձեռքբերում: Շնորհակալություն նրանց՝ իրենց լավագույն պահերի արձանագրման պատասխանատվությունը մեզ վստահելու համար:
Մենք հավատում ենք, որ «Վանը» մեծ պատմություն կերտելու ճանապարհի դժվարին հատվածն արդեն իսկ հատել է: Մեր ողջ անձնակազմը ևս միանում է բազմաթիվ շնորհավորանքներին, և մաղթում գեղեցիկ հաղթանակներ, հզոր հակառակորդներ մրցադաշտում և կուռ կամք՝ Փառքի բարձունքին հաղթական դրոշ ծածանելու համար:
Միանում ենք երկրպագուների հոծ բանակին՝
հիշեցնելով.
«Էսօր ո՞վ ա հաղթելու… ՎԱՆը»
և պահանջելով.
«Գոլ ենք ուզում, գոլ ենք ուզում, գոլ… գոլ… գոլ…»
