ՖՈՒՏԲՈԼ. Խաղի կանոնները
Խաղադաշտը
Ֆուտբոլ խաղում են ինչպես բնական, այնպես էլ արհեստական խոտածածկով խաղադաշտերում: Արհեստական ծածկույթը պետք է լինի կանաչ գույնի: Գծանշումներ Խաղադաշտը պետք է լինի ուղղանկյուն և նշվի գծերով: Գծերը, որոնցով սահմանազատվում է խաղադաշտը, համարվում է դաշտի մաս: (Այսինքն, եթե գնդակը թեկուզ 1մմ գծի վրա է, ապա այն համարվում է խաղադաշտում և պետք է շարունակել խաղը):
Չափսերը
Երկարությունը` 90-120մ
Լայնությունը` 45-90մ
Բոլոր գծերը պետք է լինեն միևնույն լայնության և չպետք է գերազանցեն 12սմ:
Միջազգային խաղերում չափսերն այլ են.
Երկարությունը` 100-110մ
Լայնությունը` 64-75մ
Դարպասային հրապարակը
Յուրաքանչյուր դարպասասյունից դեպի անկյունային դրոշակը 5.5մ հեռավորության վրա դեպի խաղադաշտ գծվում են 5.5մ ուղղահայացներ, որոնք միանում են դարպասային գծին զուգահեռ գծով: Այս տարածքը դարպասային հրապարակն է:
Տուգանային հրապարակը
Յուրաքանչյուր դարպասասյունից դեպի անկյունային դրոշակը 5.5մ հեռավորության վրա գծվում են 5.5մ ուղղահայացներ, որոնք միանում են դարպասային գծին զուգահեռ գծով: Այս տարածքը տուգանային հրապարակն է:
Անկյունային դրոշակները
Դրոշակները պետք է լինեն հարթ գագաթով և ոչ պակաս, քան 1.5մ բարձրությամբ: Դրանք պետք է տեղադրված լինեն խաղադաշտի յուրաքանչյուր անկյունում:
Դարպասները
Դարպասները պետք է տեղադրված լինեն դիմային գծի կենտրոնում` անկյունային դրոշակներից հավասար հեռավորության վրա: Դարպասասյուների միջև ընկած հեռավորությունը 7.32մ է, իսկ հեծանի բարձրությունը գետնից` 4.44մ: Դարպասասյուները և հեծանը չպետք է գերազանցեն 12 սմ: