UEFA Development Tournament (U-14, U-15). Armenia (updates)
Հայաստանում առաջին անգամ անցկացվում է ՈՒԵՖԱ-ի Զարգացման մրցաշար, որին մասնակցում են 2002թ. և 2003թ. ծնված պատանի ֆուտբոլիստներից բաղկացած 4-ական հավաքական: Հայաստանի մինչև 15 տարեկանների հավաքականի (Մ-15, 2002 թ.) մրցակիցներն են Կիպրոսի, ՆՀՀ Մակեդոնիայի և Ուզբեկստանի հավաքականները: Հայաստանի մինչև 14 տարեկանների հավաքականը (Մ-14, 2003 թ.) մրցում է Բելառուսի, ՆՀՀ Մակեդոնիայի և Վրաստանի հավաքականների հետ: Մրցաշարի հանդիպումները տեղի են ունենում ՀՖՖ Տեխնիկական կենտրոն/Ֆուտբոլի ակադեմիայում: Մրցաշարն անցկացվելու է ս/թ ապրիլի 17-23-ը:
ՄՐՑԱԿԱՐԳԸ
Ըստ մրցաշարի մրցակարգի՝ հանդիպումները չեն կարող ավարտվել ոչ-ոքի: Միավորների համակարգը հետևյալն է.
հաղթանակի համար – 3 միավոր
11-մետրանոցներով հաղթելու դեպքում – 2 միավոր
11-մետրանոցներով պարտվելու դեպքում – 1 միավոր
պարտության համար – 0 միավոր
Մինչև 14 տարեկանների մրցաշարի հանդիպումները բաղկացած կլինեն 35-րոպեանոց, իսկ մինչև 15 տարեկանների մրցաշարի հանդիպումները՝ 40-րոպեանոց խաղակեսերից:
22.04.2017
Ավարտվեց ՈՒԵՖԱ-ի Զարգացման մրցաշարը մինչև 14 և մինչև 15 տարեկան տարիքային խմբերի համար: Արդյունքում հաղթանակ տարան Մակեդոնիա-Մ14 (7 միավոր) և Ուզբեկստան-Մ15 (9 միավոր) թիմերը:
Հայաստանը երկու տարիքային խմբերում էլ գրավեց վերջին՝ 4-րդ տեղը.
Մինչև 14 տարեկանների խումբ
1. Մակեդոնիա-Մ14՝ 7 միավոր
2. Վրաստան-Մ14՝ 5 միավոր
3. Բելառուս-Մ14՝ 4 միավոր
4. Հայաստան-Մ14՝ 2 միավոր
Մինչև 15 տարեկանների խումբ
1. Ուզբեկստան-Մ15՝ 9 միավոր
2. Կիպրոս-Մ15՝ 5 միավոր
3. Մակեդոնիա-Մ15՝ 4 միավոր
4. Հայաստան-Մ15՝ 0 միավոր
———————————————
Հայաստանի հավաքականների գոլերի հեղինակներն են.
Սպարտակ Հայրապետյան (Հայաստան-Մ14)
Էդգար Թամազյան (Հայաստան-Մ14)
Տիգրան Յաղմուրյան (Հայաստան-Մ14)
Ռոբերտ Բաղրամյան (Հայաստան-Մ15):
———————————————
ՈՒԵՖԱ-ի Զարգացման մրցաշարի մասնակից թիմերի ներկայացուցիչների քվեարկության արդյունքում ճանաչվել են լավագույն ֆուտբոլիստ.
Մ-14 խմբում՝ Սպարտակ Հայրապետյան (Հայաստան-Մ14, հարձակվող)
Մ-15 խմբում՝ Ջասուրբեկ Ջալոլիդդինով (Ուզբեկստան-Մ15, հարձակվող)